MALA EDUCACIÓN

Hoxe estou moi indignada. Resulta que fixen o borrador da declaración da renda por teléfono (é o xeito máis cómodo) e me interesaba saber onde teño que recoller a declaración, en que mostrador en concreto; como o teléfono de información de Facenda está case sempre ocupado, decidinme a ir alí en persoa, mais cal foi a miña sorpresa cando para facer esta sinxela pregunta tiña que agardar 33 números; así, probei sorte outra vez por teléfono e atinei; atendeume unha rapaza e cando lle contei o que quería saber pasoume con outra; vou transcribir exactamente a nosa conversa:
(eu)- Mira, eu fixen o borrador da declaración por teléfono e quería saber onde é que teño que recollela e cando?
(ela)- Mira me puedes hablar en castellano
(eu) - Non podo escoller unha opción para que me falen en galego?
(ela)- No. Y además lo lógico es que si te hablo en castellano me hables tú también en castellano. (con malas maneiras)
(eu) - Non, perdoa, o lóxico é que se chamo de Galiza me pases con alguén que me fale en galego (pensei eu: ademais na cidade onde vivo, Coruña, se a cada persoa que me fala en castelán lle teño que respostar en castelán, estou boa!)
(ela) - Bueno si no ... bla bla bla

E me colga; todo isto con unha actitude chulesca e prepotente. Ademais, de non entender a súa actitude, non entendo por que outras operacións da Axencia Tributaria si se poden facer en galego e esta non.
Pode parecer que a miña actitude foi moi intransixente, mais o que é certo é que ela me falou cunhas maneiras bastante irrespetuosas; ademais, se ela me di que estou chamando fóra de Galiza eu non tería ningún problema para falar con ela en castelán, mais por culpa da súa mala educación non chegamos a bon porto.
Paréceme fatal que acontezan este tipo de cousas; ademais, aínda que quixese pór unha reclamación non sei quen é a "tipeja" que me atendeu, xa que nin sequera se presentou.